life note - 肥恩的Blog

 十二月，天寒地冷，最好就係出外放松下，浸下温泉仔~~

终于係上两星期，同朋友们去咗惠州龙门，试一下庄明庄温泉~

嗰度活动设施都算齐全，有羽毛波、乒乓球，又有得烧烤等，周六出发，周日返嚟，

温泉有车接送，都係￥280，而且已经包一早、一午、一晚、一宵夜添。

夜晚重有免费节目睇，都算几好啦，不过池就少啲，得十来个，但总部都可以啦，对得住个价~~

的确係悠闲放松嘅一个好地方~~

广州过去，大概两个钟左右~~

互联网下载资源索引的伟大领袖、久经考验的无产阶级网络资源战士，VeryCD同志于2009年12月9日下午2时因没病被医治有效，与世长辞，享年6岁。举国沉浸在一片悲痛之中，中共中央、国务院敬告全国人民节哀顺变。

 行程計劃：

係依度，我都係寫啲流水賬多，無乜寫太多自己嘅反思或者其它深刻思想，

其實我自己都唔係無諗，但只係有時思緒飛過，就靈感不再；或者係諗到好多嘅嘢，但反而唔知點開始，最終都係不了了之~~

係依家依個時代，接收資訊、學習知識，已經唔係一件好難嘅事，電視、上網、雜志等等，

亦都有人撰文指出，話因為依家獲得知識越嚟越容易，會令人越來越蠢。

其實早係兩千幾年前孔聖人就早已經講過，“學而不思則惘“，

知識再多，如果唔經自己思考，就如霧裡看花，自己嘅蠢，又點可以怪資訊科技嘅發達。

過咗國慶，過咗中秋，唔經唔覺已經十月下旬~~

依個月內一連吃咗兩次貴嘢自助餐，四海一家同大漁，終於都係覺得，我吃自助餐唔係好抵~~哈哈~~

不過講返轉頭，依兩間嘢都算可以嘅，而且都啲貴嘢吃，出品還好。

但唔知點解，無論點我都係覺得自助餐啲嘢唔係就咁點菜嘅好吃~~~

可能就係小吃多滋味吧，而且選擇太多，選擇一多就迷惘，反而無所適從，太多選擇都唔係好事。

國慶期間，去咗下動漫展，去咗下白雲山，亦都叫做出咗去一下，又有兩個初中同學完婚啦，不過時間問題，只能夠安排禮到先啦~~

終於，我都係買咗部Wii~~

係朋友信息之前，得知有人放自用Wii一部，

相議後，￥700大洋購入，自己去買多塊新嘅wii fit添~~

果然Wii係一家聚會好遊戲，依家係屋企，阿媽重玩得多過我~~

而且依家Wii支持自製軟件，都比較重用，可以睇電影，聽歌等~~

再加上可以直接係移動硬盤讀遊戲，實在係好~

可惜限於機能問題，播一般avi封裝嘅divx、xvid都問題，但rmvb、hd等就比較吃力~~

推薦大家睇一本書，《如何掌控自己的时间和生活》

裡面講嘅嘢都幾實用，可以等自己更好地管理自己，我都學習按書中嘅方法改變一下自己。

成高已經開始報名，我亦終於報名去考啦，

10月17、18號考試，依排都努力緊，放底書包咁耐，重新拿起，唔容易啊，

希望可以考返個好成績啦~~~

以後唔好同我講開心網~~

我已經將賬號都刪埋啦~~~

以上

2009.06.28參加咗“發現廣州”依個活動，“發現廣州”其實就係同定向越野差唔多，只不過區域就係廣州，而目標點就係某些指定建築物。

上年就已經聽朋友講參加玩，但無緣參加，終於係今年有機會參加啦，而今年嘅主題就係紅色革命點，題目電子版如下：

2009发现广州电子版.doc

“紊”粵語讀“問”，粵拼man6。紊：亂。有條不紊。

“罘”粵語讀“浮”，粵拼fau4。“芝罘”，山名，在中國山東省。

“僭”粵語讀“塹”，粵拼cim3。僭建，違章建築。

“瘸”粵語讀“騎”，粵拼ke4。瘸腿，腿腳有毛病，行路時身體不平衡。
...